Hüseynbala Əliyev haqqında film çəkilir
Tarix: 25.06.2010 10:19:02
Oxunub: 77
“Salnamə” sənədli filmlər studiyası Sankt-Peterburqun “Lennauçfilm”
studiyası ilə birgə II Dünya Müharibəsində qəhrəmanlıqlar göstərmiş
Hüseynbala Əliyev haqqında sənədli film çəkir. Salnamə studiyasından Lent.az-a verilən məlumata görə, filmin rejissoru Tahir Əliyev, ssenari müəllifi Valentina İvanovna Qurkalenko, operatoru Maksim Konavalçuk və Elxan Rüstəmovdur.
Məlumatda bildirilib ki, film sənədli olsa da, bədii səhnələrlə zəngindir. Əsas qəhrəmanın uşaqlıq və gənclik dövrünü Sankt-Peterburq aktyorları canlandıracaq. Çəkilişlər hər iki şəhərdə aparılır. 2 dildə olacaq filmin rus variantı iyulun axırı, Azərbaycan variantı avqustda tamaşaçılara təqdim ediləcək.
Qeyd edək ki, Hüseynbala Əliyev 1918-ci ildə Bakıda anadan olub. Leytenant Hüseynbala Əliyev Leninqrad səmasında 10-a qədər faşist təyyarəsini məhv edib. Müharibə başlayandan 17 gün sonra Nizino şəhərində qəhrəmancasına həlak olub. Hüseynbala Əliyev Lenin ordeni ilə təltif edilən ilk qəhrəmandır.
Çap et
Dosta yolla
Bölüş:
Arxiv
Şərh yaz
XƏBƏRLƏR
